Hey you ! don't like the Social Media ? don't worry, now you can follow me by your email

Sunday, September 11, 2011

عشر سنوات... ماذا حدث و ماذا تحقق ؟



اليوم اول مرة راح اكتب عن اشي سياسي من الدرجة الاولى على المدونة الخاصة او حتى على اي مكان تاني..
 اليوم ما راح اتكون كتابتي في الانجليزي بالعكس بدي ايها في العربي و اللغة العامية كمان حتى اي حدا ممكن تجي تحت ايدو يقدر يقراها..
اليوم كتابتي ما راح اتكون طويلة ؛ خير الكلام ما قل و دل..

قبل احداث ١١\٩ \٢٠٠١ عمري ما اسمعت عن اشي اسمو ارهاب او حتى حد بيحكي عنو.. كنا عارفين انو انت لانو مسلم اوﻻ عربي تانيا الك معاملة خاصة سواء في طلب الفيزا او دخول مطارات و يا سلام اذا كان اسمك محمد تعال و شوف الفن ع اصوله في المعاملة، اكيد كتار منا جربوا السفرع امريكا، اوروبا و بريطانيا (حبيبة قلبي)؛ بريطانيا لوحدها بدها مدونة كاملة ل تحكي عنها و عن عمايلها (افعالها). المهم نرجع !! بتفوت بتسلم الجواز بجحرك الشرطي جحرة احلى من الجحرة الاردنية (ع راي شب كتب عن الجحرة الاردنية) و بكبس ع الزر الي على الجاهز الي ع كتفو و الباقي عندكو !!

  هلا بعد الاحداث اصلا ما عاد في فيزا للعرب لمدة سنتين تقريبا و بعد السنتين بيجو ع تاريخ الشخص الي مقدم لفيزا و عيلتو والي جابوا ع السفارة والي عبوا معو الطلب - مع انو الطلب غالبا ما يتم تعبايته من مكاتب خاصة بتنتشر في وسط البلد- و بس يشفطوا المبلغ يمكن ٢٥٠ دينار- مش متاكد منو- بحكولك مرفوض.  

احنا الشرقيين عادة ما بننجر ورا مشاعرنا و عقلنا غايب في معظم الحالات المشابهة- للاسف- ، بنصدق كل اشي بنشوفو ع التلفزيون او بنسمعو ع الراديو او النت او اي مصدر للمعلومة بدون ما انحاول ولو محاولة بسيطة انو انفصلو اذا ممكن او ﻻ.


راح احط الاسئلة الي في بالي و انتوأ احكموا اذا العرب ممكن يعملوا هيك او ﻻ من خلال اجوبتكم.

 ١- ابن ﻻدن وين كان قبل ال 2001  ؟ 
٢- ليش ما ضرب اسرائيل و هي اقرب من امريكا و خاصة وقت انتفاضة ٢٠٠٠ م ؟
٣- ليش ما ضرب روسيا على خلفية اتفاقية توريد الاسلحة لاسرائيل ؟
هلا ماشي ابن ﻻدن موجود (كان) الله اعلم !، و عندو كمية الاسلحة و الطيارات و المتفجرات سؤالي الكم هون مين باعها ل ابن ﻻدن ؟ 
٥- كيف دخلت الطيارة المجال الجوي الامريكي (وما بينهما) بدون اي اختراق او اي تعريف او اي اشي ممكن يتساوى في هيك حالة؟ 
٦- اذا الطيارة طلعت من جوا امريكا (انيّل) كيف الطيار دخل ؟ كيف انسمحلو يطلع من المطار بدون اعتراض ؟ 

 هاد الي عندي اذا معي انت خبرني و اذا انت مش معي برضو خبرني مع السبب، يمكن اقتنع في رأيك.

 بتمنى انكون موضوعيين في اجابتنا حتى ما انضل ماشيين و احنا مغمضين العيون. 

محمد حرزالله


http://facebooklogin.ws/2009/12/facebook-login/